Dhjetëra banorë të fshatit Hotolisht kanë dalë sot në protestë, kundër projektit të rrugës së re që sipas tyre rrezikon të shkatërrojë shtëpitë dhe jetën e komunitetit.
Banorët thonë se janë për zhvillimin, por jo me çmimin e shkatërrimit të fshatit.
“Kemi kërkuar zgjidhje. Institucionet shqiptare vazhdojnë të heshtin, asnjë përgjigje, reflektim, asnjë dialog. Në mungesë të çdo reagimi, me protestën tonë, përmes një akti simbolik që është shtëpia jonë e fundit, arkivoli.
Shtëpia është baza jonë, nëse na shembet kryefamiljari gjendet në një rrezik ekstrem. Ky nuk është një projekt zhvillimi, por një sulm i drejtpërdrejt ndaj ekzistencës së një komunitet të tërë që do reagoj në mënyrë e tij.
Ne deklarojmë qartë, kushdo që synon të prek Hotolishtin, do për përballet me rezistencën e qytetarëve. Çdo ndërhyrje pa marrëveshje me banorët do të konsiderohet si një veprim që e shtyn situatën në një rrugë pa kthim”, tha një banor.
Protesta u shoqërua nga një akt simbolik, ku u vendos një arkivol në qendër të rrugës, në të cilin shkruhej “Hotolishti është gati të përgjigjet, ose ne ose ju!”.
“Kemi kërkuar zgjidhje. Institucionet shqiptare vazhdojnë të heshtin. Asnjë përgjigje, asnjë reflektim, asnjë dialog. Në mungesë të çdo reagimi, protestojmë me aktin më të dhimbshëm simbolik, arkivolin”, u shpreh një nga banorët, duke shtuar: “Ky nuk është një projekt zhvillimi, por një sulm i drejtpërdrejt ndaj një komuniteti të tërë”, shtoi banori.
