Kreu i PD, Sali Berisha në një takim në Dimal ku prezantoi programin e ‘PD-ASHM’u shpreh se nafta për fermerët do të shitet me koston e saj, ku sipas tij TVSH do e përfitojnë fermerët dhe jo më grosistët.
Gjithashtu, Berisha deklaroi se në programin e tyre nafta për të gjithë popullatën do të ulet.
“Naftës për të gjithë popullatën do t’i ulet çmimi. Sot qeveria për litër naftë merr 1.1 Euro, nuk ka qeveria në botë që merr sa qeveria e Ramës. Do vendosim barrën fiskale, siç e ka Kosova dhe Maqedonia, ja pse ata e kanë naftën 50 për qind më lirë se Shqipëria. Nafta e fermerëve do të shitet me koston e saj, TVSH do e përfitojnë fermerët jo grosistët.” u shpreh Berisha.
Berisha nuk la pa përmendur edhe kreditë e buta që do të jepen për zhvillimin e bujqësisë.
“Banka e Zhvillimit do të ketë një sektor të veçantë për bujqësinë. Do të jepen kredi të buta që puna e fermerëve të ecë përpara” tha Berisha.
