Një institut evropian i kërkimit klimatik po përdor inteligjencën artificiale (AI) për të parashikuar më saktë probabilitetin e zjarreve në të gjithë globin.
Qendra Evropiane për Parashikimet e Motit me Distanca të Mesme (ECMWF) ka krijuar një model të ri Probabiliteti të Zjarrit, i cili përdor metoda për të analizuar një grup më të gjerë të dhënash për parashikime më të sakta për zjarret.
Historikisht, parashikuesit përdorin një metodë të quajtur Indeksi i Motit të Zjarrit, i cili analizon katër variabla të motit temperaturën, erën, reshjet dhe lagështinë. Por ka kufizime me këtë model.
“Ne paraqesim një metodë të re për të parashikuar rrezikun nga zjarri. Ajo kombinon shumë informacione, jo vetëm motin, por edhe karburantin për sa i përket disponueshmërisë dhe thatësirës dhe më e rëndësishmja burimin e flakeve. Pra, ku jetojnë njerëzit, aksesi në rrugë. Ky është një përparim thelbësor në atë që është bërë më parë, sepse metodologjia e mëparshme përdorte vetëm motin”.
Qendra Evropiane për Parashikimet e Motit me Distanca të Mesme mund të shkojë më tej sesa të parashikojë vetëm rrezikun e zjarrit, por edhe të tregojë mundësinë e ndezjes së një vatre në një vend të caktuar.
Shkencëtarja kryesore Francesca Di Giuseppe, përmend këtu zjarret shkatërruese të Janarit në Los Anxhelos, të cilat vranë dhjetëra njerëz dhe shkatërruan afro 16,000 struktura.
“Për shembull, një rast i kohëve të fundit është në Los Anxhelos, zjarri ishte vërtet shumë i rëndë. Sigurisht, kjo metodë e re, mund të identifikonte më shumë ato rajone. Kjo është arsyeja pse parashikimi ynë në këtë rast ishte shumë më i saktë dhe përcaktoi vendndodhjen e saktë, shumë afër Los Anxhelosit, ku ndodhi vërtet zjarri”.
I detajuar në një studim të hershëm të publikuar në lidhje me Inteligjencën Artificiale për Sistemet e Tokës, modeli përdor të dhëna satelitore për të gjurmuar përparimin e një zjarri në kohë reale, më pas e përfshin këtë informacion në një algoritëm të sofistikuar kompjuterik që mund të parashikojë me saktësi rrugën e mundshme të zjarrit, intensitetin dhe shkallën e rritjes.
Studimi vjen ndërsa Kalifornia dhe pjesa më e madhe e Shteteve të Bashkuara perëndimore u përballen me një sezon gjithnjë e më të rëndë zjarresh.
Flakët e mëdha, të nxitura nga një kombinim i rrezikshëm i erës, thatësirës dhe nxehtësisë ekstreme, u përhapën në të gjithë shtetin. Midis tyre, zjarri i quajtur i liqenit, zjarri më i madh në shtet këtë vit, dogji mbi 38,000 hektarë në kontenë Santa Barbara.
Metoda Probabiliteti i Zjarrit mori parasysh sasinë e karburantit dhe identifikoi rajonet që mund të ndikoheshin më rëndë nga zjarret.
“Historikisht për parashikimin e zjarrit, ne përdorim atë që quhet indeksi i motit të zjarrit. Dhe ky është një model i thjeshtë i bazuar në fizikë, ku ne përdorim katër variabla të motit, temperaturën, erën, reshjet dhe lagështinë, për të parashikuar mundësinë që, nëse ndodh një zjarr, sa intensiv do të jetë ai. Pra, ai nuk merr parasysh shumë lëndë djegëse. Ne po përpiqemi të përfshijmë më shumë të dhëna.”
Ekspertet duke studiuar me kujdes sjelljen e zjarreve të së kaluarës ishin në gjendje të gjurmonin se si filloi, u përhap dhe me pas u frenua.
McNorton shprehet se metoda e Qendrës Evropiane për Parashikimet e Motit me Distanca të Mesme e kombinuar edhe me inteligjencën artificiale mund të përdoret nga agjencitë e parandalimit të zjarrit për të identifikuar më saktë vendndodhjet e rrezikut, duke i lejuar ato të shpërndajnë burimet në mënyrë të përshtatshme.
“Qëllimi këtu është të përpiqemi të prodhojmë një makineri me kosto efektive që njerëzit mund ta heqin dhe përdorin. Kështu që ndoshta është shumë e shtrenjtë për t’u trajnuar, por pasi të kemi trajnuar modelin këtu, duke përdorur fuqinë tonë të lartë të përpunimit kompjuterik, më pas mund ta blejnë dhe ta përdorin me kosto shumë të ulët në laptopët e tyre”.
Vitin e kaluar, nivelet rekord të gazit serrë ndihmuan në rritjen e temperaturave në nivelet më të larta të të gjitha kohërave. Moti ekstrem shkaktoi pasoja të mëdha në të gjithë globin. Zjarret detyruan zhvendosjen e 800,000 njerëzve.
Klan News
