Kreu demokrat, Sali Berisha po mban mbrëmjen e sotme fjalën në çeljen e fushatës për zgjedhjet e 11 majit të Partisë Demokratike.
Nga sheshi Nënë Tereza, Berisha ka hedhur akuza ndaj kryeministrit Edi Rama, duke thënë se është sëmundja e Shqipërisë.
Kryedemokrati tha se Rama u përpoq me çdo mënyrë që Shqipëria të mos kishte opozitë.
Pjesë nga fjala e Sali Berishës:
Këto ditë, këtë muaj, në këtë fushatë, ndeshen dy botë, dy filozofi, dy projekte. Në njërën anë janë ata të cilët e sollën Shqipërinë në 12 vite në këtë ditë, ata të cilët e grabitën dhe plaçkitën Shqipërinë dhe shqiptarët sa asnjë pushtim tjetër. Shqipëria është e sëmurë dhe kjo sëmundje quhet Edi Rama.
I tmerruar nga e vërteta, nga transparenca, ka dy muaj që është ngujuar në zyrtë, flet me vete dhe ka frikë. Or miq, u përpoq më çdo mënyrë, me gjithçka, me arrestime, me korrupsion me pëcarje që Shqipëria të mos kishte opozitë. Ja ku jemi sot, më të fuqishëm se kurrë.
Edi Rama, vazhdon avazin e vjetër. Vazhdon mashtrimet, shpifjet e trillimet, por në 12 vite nuk u tregon dot shqiptarëve një vepër sepse vetëm ka vjedhur.
Lufta e tij me PD-në, trashëgimin e saj, është lufta e Don Kishotit me mullinjtë e erës. Çfarëdo që të bëjnë, kjo parti është e pluralizmit politik. Ky flamur është i pluralizmit politik. Kjo parti përmbysi diktaturën komuniste, vendosi demokracinë. Kjo parti është parti që anëtarësi Shqipërinë në KiE, në NATO,. Është parti që nxori Shqipërinë nga terri dhe errësira. Çau malet dhe bashkoi kombin me rrugën e kombit. Dyfishoi rrogat dhe pensionet. Kjo parti është partia që liberalizoi vizat, i nxori nga izolimi europian.
Kjo parti është parti e projekteve më të mëdha në historinë e Shqipërisë, e TAP të Devollit. Kjo parti ka paraqitur para shqiptarëve një program në të cilën, jo më vepra të caktuara, por Shqipëria e tërtë do të jetë madhështore.
