Përfaqësuesja e Lartë për Politike të Jashtme dhe Siguri e Bashkimit Evropian, Kaja Kallas, ndalon sot në Shqipëri në turin e vizitës së saj në Ballkanin Perëndimor.
Pasi vizitoi Malin e Zi, ku u takua me presidentin Jakov Millatoviç, kryeministrin Millojko Spajiç dhe përfaqësues të shoqërisë civile, Kallas viziton sot Tiranën.
Kaja Kallas pritet të takojë Presidentin Bajram Begaj dhe Kryeministrin Edi Rama ku do të diskutohet rrugëtimi i Shqipërisë drejt integrimit në BE.
Me kreun e qeverisë do të ketë edhe një konferencë për mediat pas takimit ndërsa do të nënshkruajë edhe një marrëveshje financimi për investimin në Korridori VIII.
Ndalesa e fundit e vizitës së Kallas në Ballkanin Perëndimor, do të jetë nesër më 9 prill në Bosnje e Hercegovinë.
