Mjeku i njohur Vasil Llajo ka vendosur së fundmi që të angazhohet në politikë, duke u përfshirë kështu në garën zgjedhore të 11 Majit, si kandidat në listën e hapur të Partisë Socialiste për qarkun e Vlorës.
Në një intervistë për ‘Opinion’, Llajo ka deklaruar se ka ndarë detaje se pse vendosi që të bëhej kontribues në politikë dhe pse zgjodhi të garoj me PS-në.
Llajo theksoi se ka patur disa herë ftesa për tu përfshirë në ndonjë nga forcat politike.
Ai u shpreh se ftesa i kishte mbërritur qysh në muajin gusht të vitit të kaluar, ndërsa vendimin e mori në mars të 2025.
Pjesë nga biseda:
Ishte një mendim i gjatë në kohë. Se nga momenti që u hodh ideja për të qenë pjesë e parlamentit kanë kaluar disa muaj, sepse ideja u hodh në muajin gusht e derisa u mor vendimi në muajin mars kanë kaluar 7-8 muaj.
A e kishit menduar përpara këtij mandati, në vitet e shkuara që mund të ishit një kontriboues politikë?
Nuk e kisha menduar që unë personalisht të isha pjesë e politikës, por të tjerët e kanë menduar duke bërë propozimet e tyre përkatëse që unë të jem pjesë e politikës.
Pra, ishte një ftesë që ju erdhi?
Kjo nuk është ftesa e parë. Ftesa e parë ka qenë në vitin 1997, ftesa e dytë në vitin 2005, ftesa e tretë në 2021 dhe ftesa e katër kjo e vitit të kaluar.
Kush jua bëri këtë ftesë që ju bindi për të qenë pjesë dhe pse në Partinë Socialiste?
Eshtë forca sot që është më e shtruar, më e organizuar dhe me synimin që ka për të na çuar drejt Bashkimit Europian është një ëndërr që të gjithë shqiptarët duan ta realizojnë. Kjo është një forcë që besoj që do ta bëj. Dhe si e tillë, edhe unë vendosa t’i bashkohem për të dhënë edhe unë kontributin tim në këtë ëndërr të madhe të të gjithë shqiptarëve për tu bërë pjesë e familjes së madhe evropiane.
Kush ua bëri ftesën? Ishte vetë kryeministri Rama?
Janë disa gjëra që rrjedhin gradualisht./opinion.al
