“Arsyet pse një udhëtim në Shqipëri rekomandohet veçanërisht këtë vit.” Kështu e hap artikullin për vendin tonë media gjermane “Merkur.de” ku ndër të tjera shkruhet se Shqipëria është në rrugën e saj për t’u bërë një destinacion në trend për 2025.
Me plazhet e ëndrrave, natyrën e egër dhe kulturën unike, Shqipëria ka shumë për të ofruar dhe vazhdon të jetë destinacioni më i përballueshëm ekonomik në Mesdhe.
Vendi ballkanik i vendosur mes Greqisë dhe Malit të Zi tërheq vizitorët falë peisazheve spektakolare dhe plazheve mahnitëse dhe nëse Shqipëria është në listën tuaj të udhëtimeve nuk duhet të humbisni kohë shkruan “Merkur.de”.
Media gjermane ndalet edhe tek një analizë për çmimet e apartamenteve apo hoteleve për pushime janë kryesisht të përballueshme mesatarisht 77 Euro për 2-6 persona ku bën krahasim me Turqinë që kushton 122 Euro nata, Spanja 125 Euro, Italia 126 Euro dhe Greqia 133 Euro për person në ditë.
Ndër të tjera media “Merkur.de” shkruan se muajt ideale për të udhëtuar në Shqipëri janë nga korriku deri në shtator, pasi gjatë kësaj kohe temperaturat janë të larta dhe ideale për pushuesit.
Media gjermane përmend disa nga plazhet më të bukur të vendit tonë si Saranda, Ksamili, Dhërmiu, Durrësi etj.
Gjithashtu ndalet edhe tek destinacionet kryesore për adhuruesit e kulturës ku sugjeron një vizitë në kryeqytetin Tiranës, me ndërtesat dhe atraksionet me ngjyra pastel si Sheshi Skënderbej dhe Muzeu Historik Kombëtar.
Kushdo që është i interesuar të mësojë më shumë për traditat shqiptare duhet të udhëtojë në qytetin e Trashëgimisë Botërore të UNESCO-s në Gjirokastër shkruan “Merkur.de” për vendin tonë.
Klan News
