Kandidati i Partisë Demokratike për Tiranën, Ilir Alimehmeti, në studion e Opionin, ka rikthyer në vëmendje premtimet që PS ka bërë në 2013, ku thotë se në spitalet tona sot nuk ka shëndetësi falas.
“Ndoshta ata i kanë harruar premtimet që dhanë në 2013 se pastaj nuk dhanë më. Ku është shëndetësia falas dhe e kujtomë se çfarë ndodh në spitalet tona, se kjo shëndetësia falas e PS”, tha Alimehmeti.
“Kur merr qeverinë, kur merr administrimin e të gjithë popullit je aty për të githë shqiptarët, nuk je aty vetëm për ata që mendon se të kanë votuar.
Njerëzit çfarë bëjnë në një vend që është kaq i mir shtohen apo pakësohen? Nëse qenka kaq i mirë njerëzit duhet të ishin shtuar rinia, duhet të na ishte shtuar rinia jo të ikte rrugëve”, tha Alimehmeti.
Për Alimehmetin nëse Shqiëpëria do të ishte një vend i mirë atëherë rinia nuk do të ikte nëpër botë.
“Një vend që është mirë rritet në numra në njerëz, qëverisja është për njerëz jo për ksështu elemente të çuditshme. Rinia pa na ikën, dhe po na ikën me familje, fëmijë nuk lindin më, mosha mesatare është rritur dhe po shkon drejt plakjes. Çfarë vjen pas plakjes besoj të gjithë ne e dimë. Ky është rezultati makro. Unë ftoj të njerëzit të shohin xhepin e tyre, të shohin familjet e tyre, a i kanë motrat e vëllezërit aty, a i kanë kalamajt aty. Të shohin ekonominë e tyre personale, a është ajo siç ka qenë dhe siç e prisnin.
Dhe me këto mend në kokë duke parë familjen e vet të shkojnë më 11 Maj. Dhe duhet të kuptojnë diçka nuk ka më se çfarë jep PS sepse ju e shifni çfarë po ndodh. Vazhdojnë përsërisin të njëjtat gjëra”, tha Alimehmeti.
