Ministrja e Shëndetësisë Albana Koçiu ka firmosur me homologun izraelit Deklaratën e Përbashkët për një partneritet më të fortë në kujdesin shëndetësor dhe shkëmbimin e eksperiencave në mjekësi.
Lajmi është bërë i ditur nga ministrja, përmes një postimi në rrjetet sociale.
Koçiu thotë se gjatë takimit diskutuan mbi sfidat e sistemit shëndetësor dhe mundësitë për forcimin e bashkëpunimit mes dy vendeve, si edhe specializimi për mjekët tanë pranë qendrave spitalore izraelite.
“Me Ministrin e Shëndetësisë së Izraelit, z. Uriel Buso, Firmosëm Deklaratën e Përbashkët midis Ministrisë së Shëndetësisë së Shtetit të Izraelit dhe Ministrisë së Shëndetësisë të Republikës së Shqipërisë, duke hapur rrugën për një partneritet më të fortë në kujdesin shëndetësor dhe shkëmbimin e eksperiencave në mjekësi.
Gjate takimit diskutuam mbi sfidat e sistemit shëndetësor dhe mundësitë për forcimin e bashkëpunimit mes dy vendeve, me fokus të veçantë, specializimi për mjekët tanë pranë qendrave spitalore izraelite, si dhe partneriteti me Sheba Medical Center”, shkruan Koçiu./Opinion.al
