Shtëpia e Bardhë ka publikuar këtë të martë detaje nga takimet që negociatorët amerikanë patën në veçanti me rusët dhe ukrainasit në Riad të Arabisë Sauditë, nga data 23 deri më 25 mars.
Shtetet e Bashkuara dhe Rusia kanë rënë dakord të zhvillojnë masa për zbatimin e marrëveshjes mes presidentit Trump dhe presidentit Putin për ndalimin e sulmeve kundër impianteve energjetike në Rusi dhe Ukrainë.
Nga ana tjetër, Shtetet e Bashkuara dhe Ukraina kanë arritur një marrëveshje për të garantuar lundrim të sigurt në Detin e Zi, për të ndaluar përdorimin e forcës dhe për të parandaluar shfrytëzimin e anijeve tregtare për qëllime ushtarake.
Gjithashtu, Shtetet e Bashkuara u zotuan se do të mbeten të përkushtuara për të ndihmuar në arritjen e shkëmbimit të robërve të luftës, lirimin e të burgosurve civilë dhe kthimin e fëmijëve.
htetet e Bashkuara përsëritën për të dyja palët imperativin e Presidentit Donald J. Trump që vrasja në të dyja anët e konfliktit Rusi-Ukrainë duhet të ndalet, si hapi i nevojshëm drejt arritjes së një zgjidhjeje të qëndrueshme paqeje. Për këtë qëllim, Shtetet e Bashkuara do të vazhdojnë të lehtësojnë negociatat midis të dyja palëve për të arritur një zgjidhje paqësore, në përputhje me marrëveshjet e bëra në Riad.
