Në mesin e 5 destinacioneve ndërkombëtare të përballueshme për t’u vizituar këtë pranverë është edhe Shqipëria.
Sugjerimi vjen nga faqja amerikane GOBankingRates ku sipas ekspertëve të udhëtimit vende si Shqipëria, Portugalia, Japonia, Austria dhe Republika Domenikane mund të vizitohen pa hyrë në borxhe.
Lexuesit amerikanë ftohen që ta konsiderojnë Shqipërinë e cila njihet për vendet e bukura natyrore që mund të përjetohen vetëm gjatë stinës së pranverës.
Vendi ynë sipas ekspertëve krenohet me peizazhe të larmishme, nga plazhet e bukura përgjatë deteve Jon dhe Adriatik e deri te malet e thepisura të Alpeve Shqiptare.
“Përballueshmëria e tij e bën atë një destinacion të arritshëm për të shijuar më të mirat e detit Adriatik me çmime dukshëm më të ulëta”, shkruhet në artikull.
Sakaq sipas faqes amerikane të udhëtimeve Kayak, Tirana renditet në vendin e shtatë në mesin e destinacioneve kryesore trend të pushimeve pranverore të vitit 2025.
Tv Klan
