Koalicioni ‘Aleanca për Shqipërinë Madhështore’ ka prezantuar mbrëmjen e sotëm kandidatët për deputet në qarkun e Shkodrës për zgjedhjet e 11 Majit.
Prezentë në këtë takim është kreu i Partisë Demokratike, Sali Berisha dhe drejtuesi politik i këtij qarku, Luçiano Boçi.
Në fjalën e tij, Boçi bëri një përshkrim të shkurtër për secilin kandidatë dhe u shpreh se misioni që ata kanë mbi supe, është sa i vështirë aq edhe shpresëdhënës për fitoren e PD më 11 maj.
Sipas Boçit, është koha që Shkodra dhe qytetarët e saj të rishkruajnë historinë e tyre.
Pjesë nga fjala e Boçit:
Jemi në një takim të jashtëzakonshëm, jemi në një takim të sinqertë e të vërteteë. Që bëhen me bekimin e Zotit dhe njeriut. Jemi në udhëkryqin e historisë, jemi këtu për të shkruar historinë e për t’i dalë zot fateve të vendit. Jemi në Shkodër, në qytetin që ka qenë një shkollë e së drejtës dhe demokracisë. Djep qytetarëimi i mendjes dhe varr për sundimtarët. Një qytet xhevahir i besimit në Zot, atdhe e famije.
Sot jemi në fillimin e një udhëtimi të rëndësishëm, që do përcaktojë të ardhmen e qytetarëve, familjeve të Shkodrës e Shqipërisë, prandaj ne sot paraqesim njerëzit tuaj, të drejtë e të ndershmëm, që e duan profesionin e politikën si shërbim.
Ju sjellim Bardhin, kalorësin e betejave politike në Shkodër. Gretën, luftëtaren e kauzave qytetare në Parlament. Klitin, modelin e qytetarit shkodran. Ramadanin, malsorin e vërtetë të Kuvendit. Ludovikun, mbrojtësin e hekurt të Pukës dhe Fushë- Arrësit. Lilianin, më kontribut për Shkodrën. Tedin, oratorin e shkëlqyer. Aurelin, talenin e ri politik. Gentin, juristin, njeriun e palodhur e të gjallë. Elmirën, e mirë si biologe dhe shumë e mirë si anëtare e kësh.bashkiak. Matilëdën, financierën e shkëlqyer. Ndocin, themeluesin e PD, luftëtarin e paepur. Benin, njeriu më i thjeshtë në Shkodër. Senadën, inxhinieren e aviacionit, pamja e vajzës shkodrane.
Këto janë njerëzit tanë, të thjeshtë si ju, që kanë mbi supe një mision të rëndëshishëm, zjarrin e fitores për të kthyer besimin e shpresën.
