Qytetarë të shumtë u mblodhën pasditen e sotme para ambasadës së Maqedonisë së Veriut në kryeqytetin e Serbisë, Beograd, duke nderuar në heshtje viktimat në Novi Sad dhe Koçan.
Në heshtje, ata kujtuan 15 viktimat e tragjedisë në Novi Sad, pas shembjes së tendës në stacionin e autobusit dhe 59 viktimat në Koçan, për shkak të zjarrit në diskotekën ku po festonin.
Studentët vendosën lule dhe ndezën qirinj para ambasadës, ndërsa tubimit iu bashkuan edhe qytetarë të tjerë. Diplomatët nga Maqedonia e Veriut, përfshirë ambasadorin e Maqedonisë në Serbi, Nikolla Tupançevski, dolën për të përshëndetur pjesëmarrësit.
Studentët në bllokadë u kërkuan ndjekësve në llogaritë e tyre në Instagram se për shkak të tragjedisë në Koçan, ku humbën jetën 59 të rinj, sot të mos marrin pjesë në aktivitete që përfshijnë zhurmë.
“Sot është ditë zie në Serbi për shkak të tragjedisë në Maqedoni. Sot solidarizohemi dhe e kalojmë ditën në heshtje”, thanë studentët në bllokadë.
