Djali i Hashim Thaçit, Endrit Thaçi ka mbajtur një fjalim gjatë homazheve për gjyshin e tij, Haxhi Thaçi.
Gjatë fjalës së tij, teksa tregoi mbi bisedën e fundit që pati ish-presidenti i Kosovës me të atin në spital, tha se gjyshi i tij nuk u dorëzua asnjëherë përballë sëmundjeve.
Sipas tij, shpresa për të takuar Hashim Thaçin dhe bashkëluftëtarët e tij në Hagë, ishte më e madhe sesa dhimbja e sëmundjeve të gjyshit.
”Të nderuar miq, familjarë dhe miq dhe gjithë ju të pranishëm. Faleminderit nga zemra për ngushëllimet. Në emër të familjes, në emër të babit, ju falënderoj për mbështetjen. U jemi mirënjohës të gjithëve
Gjyshi asnjëherë nuk është dorëzuar përballë sëmundjeve. Shpresa për ta takuar babin dhe bashkëluftëtarët e tij në Hagë, ishte më e madhe sesa dhimbja e sëmundjeve.
Besimi në pafajësinë e tyre ishte më e hekurt sesa aktakuza e padrejtë.
Në muajt e fundit, çdo orë, çdo minutë priste që t’ia hapte derën e spitalit. Nuk u dorëzua dhe u rikthye në jetë.
Tri orë bashkëbisedim atë ditë, iu bënë tri orët më të rëndësishme të jetës së tij. Një bisedë babë e bir.
Që të dy e kërkonin lirinë, çlirimin, dhe vdekjen e shpejtë të gjyshit e pashë në fytyrën e babit kur doli nga spitali.
Gjyshi, i mbijetoi të gjithë vuajtjeve dhe dhimbje që kaluam si popull, por këto 4 viteve nuk u mbijetoi vuajtjeve dhe dhimbjeve nga padrejtësia, një sëmundje e pashërueshme për njerëz të fortë, krenarë dhe me dinjitet. Dhe siç thoshte shpesh gjyshi, një vdekje pa u korit.
Gjysh, as sot nuk jemi korit. Fatkeqësisht babin nuk e lejuan të japë lamtumirën e fundit bashkë me ne sot, nuk e lejuan t’ia gjuajë një grusht të dheut të Drenicës mbi varr, por në vend të babit sot ka ardhur Kosova, Shqipëria, Maqedonia e Lugina.
I madh dhe i përjetëshëm do të jetë kujtimi yt gjysh!”, u shpreh djali i Hashim Thaçit.
