Kreu i demokratëve, Sali Berisha tha se PD dhe aleatët nisin fushatën me një epërsi të pakrahasueshme me kundërshtarin.
Teksa prezantoi koalicionin “Aleanca për Shqipërinë Madhështore”, Berisha i ktheu përgjigje komentit të kryeministrit Edi Ramës, i cili ironizoi koalicionin teksa tha se e vetmja gjë madhështore që sheh tek ky grupim janë mustaqet e Kujtim Gjuzit.
“Ky koalicion nis garën elektorale përballë një narkoregjimi i lidhur kokë e këmbë me krimin dhe korrupsionin. Nis garën elektorale me një epërsi të jashtëzakonshme morale, prej dy muajsh PD dhe aleatët kanë bërë fushatë elektorale më të suksesshme.
Në fushatë elektorale ka ndezur zemrat dhe shpresat e tyre, ka provuar një entuziazëm dhe vendosmëri e paparë nga shqiptarët deri më sot. Unë dhe ju do ta quajmë 2025 vitin e diasporës.
PD dhe aleatët e saj nisin fushatën me një epërsi të pakrahasueshme me kundërshtarin tonë, ne besojmë në vlera, jo në shndërrimin ne Shqipërisë në vendin e torturave, jo në plaçkitjen më të madhe që ka njohur shqipërua.
Ne shkojmë kokulur dhe ballëhapur, kokulur sepse do të kërkojmë mbështetjen e tyre, zemrën e tyre, mendjen e tyre, por gjithashtu ne paraqesim një projekt që Shqipëria nuk e ka njohur kurrë më parë. Ne paraqesim një projekt në pamje të parë i largët, Shqipëria madhështore, por është absolutisht ëndrra më e bukur, e ditës dhe jo e natës e çdo shqiptari, e çdo njeriu punëtor me dinjitet.
Pala tjetër paraqet hardhucë zhapikë, bretkosa, zhaba dhe tani së fundmi i ka ngel në gojë, ku je Kujtim, jepja ato mustaqe ose bëj diçka me të se çmendet pas mustaqeve të tua o burr i dheut, se unë e ti e njohim atë nga ana psikologjike, ia din ti arsyet pse e ka atë po tjetër punë, nuk është çështje e kësaj mbledhjeje”, tha Berisha.
