Tre shtetas janë vënë në pranga me urdhër të Prokurorisë në Berat, tre persona janë vënë në pranga lidhur me eksportin e mandarinave me përmbajtje të lartë pesticidesh.
Kujtojmë se rreth 10 ton mandarina me pesticide që i ndaloi Kroacia në muajin dhjetor janë shitur në treg për konsumatorët shqiptarë.
Për këtë arsye janë vënë në pranga shtetasit: Arben Aqif Dyli, Elton Hekuran Tafa dhe Elson Petrit Tahiraj.
Sipas Prokurorisë, Elton Tafa (fermer) i ka shitur Arben Dylit (administrator i pikës se grumbullimit) një sasi prej rreth 10 tonësh mandarina të cilat ai i ka eksportuar drejt Kroacisë.
Nga autoritetet kroate, janë kryer analizat e nevojshme nga ku ka rezultuar se sasia e mandarinave kishte përmbajtje të lartë pesticidi “Fosmet”, pesticid ky i dëmshëm për shëndetin dhe i ndaluar për t’u përdorur.
Në këto kushte ngarkesa e mandarinave është kthyer mbrapa në vendin e origjinës, ku rezulton se është tërhequr nga shtetasi Arben Dyli dhe me pas dyshohet se është hedhur përsëri në treg.
Gjithashtu dyshohet se, Elson Tahiraj me detyrë inspektor pranë Drejtorisë Rajonale të Veterinarisë dhe mbrojtjes se bimëve ka shpërdoruar detyrën duke lëshuar certifikata fitosanitare fiktive për subjekte të ndryshme, ndër të cilat dhe subjekti i shtetasit Arben Dyli.
Njoftimi i plotë:
Prokuroria e Beratit ka ndaluar tre persona pasi akuzohen se për veprat penale Seksionin per hetimit e Krimit ekonomik-financiar, në bashkëpunim me Prokurorinë pranë Gjykates se shkalles pare te juridiksionit te pergjithshem Berat, pas hetimeve disa mujore te kryera ne kuader te Procedimit Penal nr.768 te vitit 2024, i regjistruar per veprat penale “Shkelja e rregullave mbi lendet helmuese”, “Prodhimi dhe shitja e ushqimeve dhe e lendeve te tjera te rrezikshme per shendetin ose jeten e njerezve”, “Mashtrimi me produktet ushqimore” dhe “Shperdorimi detyres”, parashikuar nga nenet 281, 288, 288/c dhe 248 te K.Penal ka ber ndalimin e shtetasve:
- Arben Aqif Dyli, i datelindjes 02.06.1969
- Elton Hekuran Tafa, i datelindjes 21.06.1979
- Elson Petrit Tahiraj, i datelindjes 10.05.1995
Ndalimi i ktyre shtetasve u be pasi nga veprimet hetimore te deritanishme dyshohet se shtetasi Elton Tafa me profesion Fermer ka shitur te shtetasi Arben Dyli(administrator i pikes se grumbullimit)nje sasi prej rreth 10 tonesh mandarina te cilat me pas subjekti i shtetasit Arben Dyli i ka eksportuar drejt Kroacisë.
Nga autoritetet Kroate jane kryer analizat e nevojshme nga ku ka rezultuar se sasia e mandarinave kishte permbajtje te lart te pesticidi “Fosmet”, pesticid ky i demshem per shendetin dhe i ndaluar per tu perdorur. Ne keto kushte ngarkesa e mandarinave eshte kthyer mbrapa ne vendin e origjines ku rezulton se eshte terhequr nga shtetasi Arben Dyli dhe me pas dyshohet se eshte hedhur perseri ne treg duke mos e asgjesuar sipas procedures perkatese.
Gjithashtu dyshohet se shtetasi Elson Tahiraj me detyre inspektpor prane Drejtoris Rajonale te Veterinaris dhe mbrojtjes se bimeve ka shperdoruar detyren duke leshuar certifikata fitosanitare fiktive per subjekte te ndryshme nder te cilat dhe subjekti i shtetasit Arben Dyli./Opinion.al
