Sipas MeteoAlb, që në orët e para të mëngjesit Shqipëria do të jetë nën mbizotërimin e kthjellimeve dhe vranësirave të shpeshta, ku më të theksuara do të jenë në zonat veriore dhe pjesërisht në qendër të vendit.
Pjesa e dytë e ditës do të karakterizohet nga mot i vranët në pothuajse të gjithë territorin, ku herë pas here vranësirat pritet të pësojnë zhvillime duke sjellë reshje shiu në zonat veri-perëndimore dhe pjesërisht në Qendër.
Ndërsa në zonat malore Verilindore kryesisht do të ketë rishfaqje të reshjeve të dëborës. Temperaturat e ajrit do të rriten lehtë në mëngjes, por do të ulen në orët e mesditës duke u luhatur nga -3°C vlera më e ulët deri në 14°C vlera më e lartë në rang vendi.
Era do të fryjë e lehtë dhe mesatare si në tokë dhe në det duke arritur shpejtësinë 40 km/h nga drejtimi Juglindor; për pasojë në brigjet detare do të krijohen dallgë 2 – 3 ballë.
