Kreu i Unionit të të Përndjekurve Politikë, Besim Ndregjoni ka zhvilluar një vizitë ditën e sotme në burgun e Fierit, ku ka takuar ish-deputetin demokrat, Ervin Salianji.
Pas takimit, Ndregjoni u shpreh se e mbështet Salianjin dhe e cilësoi këtë të fundit luftëtar të së drejtës dhe së vërtetës.
I shoqëruar nga nga dy ish të burgosurit politikë Demir Pojani dhe Nuri Stepa, Ndregjoni bëri një apel kombëtar që drejtësia të mos përdoret për urrejtje dhe hakmarrje politike.
“ Të jesh luftëtar i së drejtës dhe së vërtetës në një vend ku sundon gënjeshtra dhe padrejtësia është një detyrë fisnike njerëzore. Padrejtësia në këtë vend është kthyer në formën më të keqe të sundimit, duke u quajtur demokraci” ka theksuar në fjalën e tij.
Këtu kemi ardhur që të bëjmë një apel kombëtar që të mos e përdorni drejtësinë për urrejtje dhe hakmarrje politike. Bëni drejtësi të barabartë për të gjithë, si për qytetarin e thjeshtë , si për pushtetarin e madh.
Ne sot i përcjellim mesazhin edhe politikës, edhe opozitës , jepni drejtësi, tha ndër të tjera Ndregjoni.
