Deputetja e Partisë Demokratike, Jorida Tabaku, ka reaguar përmes një postimi në rrjetet sociale duke denoncuar rritjen e çmimeve të shportës së konsumit, të cilat, sipas saj, janë rritur me 60% krahasuar me 12 vite më parë. Ajo thekson se kjo rritje nuk është shoqëruar me rritjen e të ardhurave dhe pensioneve, duke e bërë barrën ekonomike të papërballueshme për qytetarët.
Tabaku ka analizuar shkaqet kryesore të kësaj situate, duke i përmbledhur në tre faktorë kryesorë: taksat e larta, mungesa e konkurrencës për shkak të monopoleve dhe korrupsioni që ka kapur çdo hallkë të tregut.
“Në vitin 2024, rritja e çmimeve preku çdo produkt, nga buka deri tek produktet e shportës. Edhe në vitin 2025 situata vazhdon të jetë e njëjtë sepse asnjë zgjidhje nuk është ofruar. Çmimet janë rritur me 60% ndërsa pensionet dhe të ardhurat kanë mbetur të pandryshuara, ” thekson Tabaku.
Ajo ngre shqetësimin për sistemin e padrejtë të taksave, mungesën e konkurrencës dhe kapjen e tregut nga interesa të caktuara që, sipas saj, po penalizojnë konsumatorët shqiptarë dhe po varfërojnë popullsinë.
“Zgjidhja është e qartë, duhet ndryshuar modeli ekonomik që ka shteruar prej 12 vitesh dhe nuk ofron më asnjë zgjidhje. Vetëm përmes një sistemi taksash të drejtë, konkurrencës së hapur dhe një ekonomie të bazuar te ndershmëria mund të dalim nga kjo krizë, ” thekson deputetja e PD-së.
Tabaku shpreh besimin se 2025 do të jetë jo vetëm viti i rritjes së çmimeve, por edhe viti i shpresës dhe zgjidhjes për të gjitha këto probleme pasi në qq maj shqiptarët do të zgjedhin PD pas 3 mandateve dështim socialist!
“2024 është viti i rritjes së cmimeve, nga buka, tek ushqimet, tek produktet e shportës, të gjitha janë rritur.2025 vazhdon të jetë akoma vit i rritjes së cmimeve sepse asnjë zgjidhje nuk është dhënë. 30% e popullsisë, 800 mijë pensionistët, kanë pasur një rritje 60% të cmimeve. Kjo rritje vjen për disa arsye: taksat dhe sistemi i padrejtë i ngritur i cili penalizon punën e ndershme por penalizon njëkohësisht dhe produktet që të vijnë me cmime normale në tryezat e shqiptarëve. Mungesa e konkurrencës dhe kapja e cdo hapësire në treg që nga zinxhiri i shpërndarjes deri tek shitja, tek pika e shitjes për konsumatorët dhe së treti,të ardhurat e disponueshme që kanë qenë në rënie. Këto tre elementë i kanë varfëruar qytetarët shqiptarë. Kush është zgjidhja? Sigurisht ndryshimi i një modeli ekonomik, ndryshimi i një modeli i cili sot ka shteruar , nuk jep dot më asgjë, nuk jep zgjidhje dhe unë nuk e pres zgjidhjen nga ato që nuk e dhanë në 12 vite. Shpresoj shumë që ekonomia shqiptare të ketë burime të tjera rritje, të ketë të tjera mundësi për një konkurrencë të hapur, për një sistem taksash të drejtë dhe në fund të ditës cdo gjë zgjidhjen tek ekonomia e ka. Për këtë arsye 2025 vërtet është viti i rritjes së cmimeve por është dhe viti i zgjidhjës së gjithë problemeve tuaja”,-shprehet Tabaku.
