Kryeministri Edi Rama tha se tani Shqipëria është një vend tjetër dhe se transforimi në sektorin energjetik do të vazhdojë.
Në një konferencë të përbashkët me zëvendëskryeministren, njëherësh ministren e Infrastrukturës dhe Energjisë, Belinda Balluku për uljen e çmimit të energjisë, Rama deklaroi se ka pasur konsum të lartë të energjisë, çka tregon rritje të ekonomisë.
Gjithashtu Rama theksoi se javën e ardhshme Shqipëria do të shkojë në Abu Dabi si aktor i energjisë në nivel europian.
“Sot u themi shqiptarëve me krenari, u deshën vite patjetër se duhen vite, por ne ia dolëm t’ju shohim në sy dhe t’ju themi ata që shpenzojnë dhe janë 95% deri në 700 kë/h do të kenë ulje të çmimit të energjisë. Mos harroni në vitin 2019, konsumi më i lartë i vitit ishte 21 milionë kë/h në natën e Vitit të ri, ka qenë konsumi më i latë. Sot kaq është normaliteti. Në pikun shkojmë në 28-29 milionë, nuk e kemi vetëm në Vitin e RI, por edhe në verë për shkak të turizmit por edhe në periudhën dhjetor-janar. Kjo do të thotë se Shqipëria është një vend tjetër, sepse rritja e konsumit të energjisë tregon rritje të ekonomisë, rritje të kapaciteteve në të gjitha shtresat për konsum të energjisë, edhe ky është një fakt që na ndihmon të marrim këtë hap të uljes.
Javën e ardhshme do të shkojmë në Abu Dabi për një tjetër moment historik, jo më të Shqipërisë si një Shqipëri për konsumatorët e vet, por si aktor i energjisë në nivel europian. Do ta shikoni pas disa ditësh, por sot fokusohemi tek ulja e çmimit të energjisë elektrike.
Do të ekspozojmë ne fakt të gjitha ata që pasi ia kanë nxirë dhe errësuar jetën e përditshme, në kuptimin fizik të fjalës, shqiptarëve bëjnë teori për sektorin energjetik, por siç do të shikoni çmimet e energjisë i kanë pasur më të larta se sa çmimi që është sot, jo sa do të jetë duke nisur nga muaji shkurt. I kanë rrokanisur dhe i rrokanisin kokën shqiptarëve duke iu thënë që ne rritën çmimin. nuk rritëm asgjë, por kemi rritur Shqipërinë dhe do e rrisim çdo ditë si një forcë në dispozicion të njerëzve që nuk kanë qenë e mundur të jetë asnjëherë për shkak se ia kishin zënë sytë, gojën, frymën, këmbët dhe duart”, u shpreh Rama.
