Gjykata e Posaçme me kërkesë të SPAK ka pushuar çështjen ndaj Selim Çekajt, i akuzuar për trafik droge nga Amerika Latine me atë të kontejnerëve të bananes.
Prokuroria e Posaçme argumentoi se nuk kanë prova të mjaftueshme për implikimin e tij në trafikun e drogës dhe kërkesa e organit të akuzës u aprovua nga GJKKO.
Selim Çekaj u arrestua pasi në kompaninë e tij u zbulua një sasi prej 49 kg kokainë në 31 mars 2021. Droga e gjetur vinte me kontejner bananesh nga Ekuadori.
Selim Çekaj është babai i Arbër Çekajt, i cili është i dënuar me 14 vite burg për trafikimin e një sasi rekord prej 613 kilogramë kokainë kolumbiane.
