Mbrëmjen të martës emisioni “Opinion” u fokusua në natën e Krishtlindjeve, një prej netëve më të shenjta dhe më të bukura të besimtarëve të krishterë kudo që ata janë.
Një data e cila siç ka ndodhur historikisht duhet respektuar nga të gjithë, si nga të krishterët, por njëkohësisht edhe nga myslimanët. Kjo dëshmon edhe një herë tolerancën fetare mes komuniteteve të ndryshme në vendin tonë.
Besimtarë të besimeve të ndryshme i kanë festuar të gjitha festat bashkë. Në vigjilje të tyre urimet nga figura publike dhe përfaqësues të fesë kanë qenë të shumta.
Megjithatë në një vend si Shqipëria e cila ka kaluar një periudhë disa vjeçare në ndikimin komunist, festa e Krishtlindjeve ka një histori të veçantë. Në një vend ku Zoti nuk ekzistonte, të krishterë dhe myslimanë u bënë bashkë për të kremtuar këtë festë të shenjtë.
Në pjesën tjetër të emisionit “Opinion” ishte në një intervistë ambasadori britanik në Tiranë Nick Abbott. Ai ka ardhur në vendin tonë pas një karriere rreth 4-vjeçare në Prishtinë. N
jë njohës i mirë i shqiptarëve, ai ka mbërritur në “Opinion” dhe ka dhënë intervistën e tij të parë. Nick Abbott diskuton problematikat dhe marrëdhëniet mes dy vendeve, Shqipërisë dhe Britanisë./Opinion.al
