Gazetarja e CNN, Clarissa Ward dhe ekipi i saj kanë gjetur një të burgosur sirian, i cili ishte mbajtur në një qeli pa dritare për tre muaj dhe ishte braktisur atje për të vdekur.
Ai u gjet katër ditë më parë dhe u lirua nga gazetarja dhe ekipi i CNN.
“Në gati 20 vjet si gazetare, ky ishte një nga momentet më të jashtëzakonshme që kam parë,” shkroi Ward në rrjetet sociale për reagimin e të burgosurit që shihtw qiellin për herë të parë pas disa muajsh.
“Zoti im, ka dritë,” i thotë i burgosuri gazetares.
Më pas ai përqafon dhe puth Ward, duke i thënë asaj, “Qëndro me mua”, pa pushim, duke i kapur duart dhe herë pas here krahun.
Kur e gjejnë për herë të parë shtetasin sirian në një qeli të mbyllur, ai u përpoq të fshihet nën një batanije.
Pas disa çastesh qëndrimi pa frymë, atij i kërkohet nga ushtari që të ngrihet dhe ngre shpejt duart duke i lutur të mos qëllojnë.
”Unë jam një civil,” thotë ai përmes përkthyesit.
Pasi mëson se Ward nuk është aty për ta lënduar, ai jap krahun e saj me të dyja duart, duke refuzuar ta lëshojë.
E prekur dukshëm, ajo e ndihmon duke i dhënë një shishe me ujë dhe i thotë: “Ti je mirë”.
Klipi u prezantua disa ditë pas lirimit të të burgosurit dhe mësohet se ai nuk e kishte idenë se regjimi i liderit sirian Bashar al-Assad kishte rënë.
Ward shpresonte të gjente gjurmë të gazetarit amerikan Austin Tice, i cili mbahej si rob në Siri që nga viti 2012.
Ajo shpjegoi se ky burg sekret kishte “detyrën e vëzhgimit, arrestimit dhe vrasjes së të gjithë kritikëve të regjimit”./Opinion.al
