Në Ditën Ndërkombëtare të Personave më Aftësi të Kufizuar, ministrja e Shëndetësisë Albana Kociu, bëri të ditur se 3500 persona me aftësi ndryshe janë punësuar.
Përmes një postimi në rrjetet sociale, ministrja Kociu solli historitë e tre të rinjve, të punësuar në shtet dhe privat, të cilët sipas saj janë dëshmi se me guxim dhe mbështetje përballohet cdo sfidë.
Të rinjtë, pjesë e mbështetjes nga Programet e Mbrojtjes Sociale për Personat me Aftësi të Kufizuara, sot janë të punësuar dhe të pavarur, falë politikave të MSHMS që fokusohen në:
-mbështetje financiare për individët me aftësi të kufizuara,
-shërbime të integruara sociale dhe rehabilituese,
-programe aftësimi dhe formimi profesional për punësim në bashkëpunim me AKPA, duke synuar integrimin e tyre të plotë në jetën sociale dhe shoqërore.
3,500 persona me aftësi të kufizuar kanë marrë shërbime punësimi, ku vetëm për këtë vit 525 prej tyre janë përfshirë në programe punësimi dhe formimi profesional në bashkëpunim me AKPA.
30 shërbime të dedikuara mbështesin 9,269 individë, ndërsa përmes Fondit Social janë krijuar 73 shërbime të reja që kanë ndihmuar dhe mbështetur 33,000 individë në nevojë.Tipologji e aksesueshme dhe shumë e vlerësuar është Shërbimi Lëvizës për Fëmijët me Aftësi të Kufizuara në banesë, i cili aktualisht funksionon në 13 zona dhe mbështet 4,202 përfitues me ndihmën e ekipeve profesioniste të punonjësve socialë, fizioterapistëve, logopedëve dhe psikologëve.
MSHMS mbetet e përkushtuar për të fuqizuar çdo individ dhe për të ndërtuar një shoqëri më të drejtë dhe përfshirëse, ku secili të ketë mundësinë të zhvillojë potencialin e tij”, shkruan Koçiu.
