Policia australiane bëri me dije se sekuestroi rreth 2.3 tonë lëndë narkotike të llojit kokainë në një varkë që kishte pësuar avari në brigjet e Queensland.
13 persona u arrestuan në bordin e anijes, teksa policia arriti të ndalonte dhe pritësit e drogës që qëndronin në breg të detit derisa sa t’u vinte ngarkesa ilegale.
Sipas vlerësimeve paraprake, droga e sekuestruar arrin shifrat e 500 milionë dollarëve, një nga sasitë më të mëdha të kapura ndonjëherë.
Në komunikatën e policisë mësohet se një nga personat e arrestuar ishte drejtuesi i një klubi ilegal motoçiklistësh, të cilët konsiderohen si tepër të dhunshëm.
Lënda narkotike ishte ngarkuar në Amerikën Latine dhe kishte si destinacion tregun Australian.
