Të paktën 10 persona janë vrarë pasi persona të armatosur sulmuan një bar në Meksikën qendrore, thonë zyrtarët lokalë.
Sulmuesit hapën zjarr brenda lokalit Los Cantaritos në lagjen historike të qytetit, sipas kreut të departamentit të sigurisë publike të Queretaro, Juan Luis Ferrusca.
“Shërbimet e urgjencës mbërritën në vendngjarje dhe konfirmuan se të paktën katër persona të armatosur me armë të gjata kishin mbërritur në një kamionçinë”, tha ai.
“10 persona u raportuan të vdekur dhe të paktën shtatë të tjerë u plagosën deri më tani”, shtoi ai.
Një i dyshuar u arrestua dhe automjeti i përdorur në sulm u gjet i braktisur dhe i djegur, tha Ferrusca.
Një shkëmbim zjarri mes karteleve rivale la 16 të vdekur në Meksikë në fund të muajit të kaluar.
SHBA e ka shtyrë Meksikën të shtojë përpjekjet e saj për të trajtuar dhunën, si dhe kontrabandën e drogës dhe armëve./Opinion.al
