Një aksident i rëndë ka ndodhur këtë pasdite në aksin Korçë-Pogradec, ku një makinë u përplas me një kamion.
Të dy mjetet përfunduan të përmbysura jashtë rrugës, teksa si pasojë e përplasjes ka ndërruar jetë në spital shtetasi K. N., rreth 35 vjeç, drejtuesi i automjetit tip “Chevrolet”.
Gjithashtu ka ngelur i dëmtuar pasagjeri në këtë mjet, shtetasi E. Dh., i cili ndodhet në spital nën kujdesin e mjekëve.
Grupi hetimor ndodhet në vend ngjarje për zbardhjen e rrethanave dhe shkakut të aksidentit.
