Të mërkurën në emisionin “Opinion” u diskutua lidhur me daljen para trupës gjykuese të ish-presidentit ilir Meta dhe deputetes Monika Kryemadhi.
Ka qenë një seancë e tensionuar mes ish-presidentit dhe kreut të SPAK-ut në sallën e gjyqit. Monika Kryemadhi ka dalë dy herë, në fillim dhe pas seancës përpara gazetarëve për të bërë deklaratat e saj. Dita ka pasur disa zhvillime të tjera intensive.
Të Ftuar: Glidona Daci, Gerta Zaimi, Enton Abilekaj, Preç Zogaj.
Gjithashtu opozita ka qenë në Strasburg në një protestë që ka qenë simbolike në mbështetje të takimeve që ata kanë pasur brenda godinës në Strasburg.
Për të na dhënë më shumë detaje lidhur me këtë ngjarje në një lidhje direkte në emisionin “Opinion” ishte deputeti i Partisë Demokratike, Agron Gjekmarkaj i cili e quajti këtë organizim një fushatë sensibilizimi.
Gjekmarkaj theksoi se kanë zhvilluar takime me shumë eurodepute ku tha se janë mirëpritur dhe dëgjuar për ato çfarë kishin lidhur me gjendjen e opozitës në Shqipëri.
Në pjesën tjetër, kamera e emisionit “Opinion” është e para në Shqipëri që hyn brenda xhamisë së madhe të Namazgjasë, një ndërtim prej rreth 30 milionë eurosh, e ndërtuar me ndihmat e Komunitetit Mysliman Turk dhe njëkohësisht mjaft e diskutuar për çështjen e adminsitrimit të saj. “Opinion” ishte në shoqërinë e Gazment Teqes, imami i Xhamisë së Namazgjasë dhe myftiu i Tiranës.
“Opinion” hyn jo vetëm në ambientet e sipërme të xhamisë së re, por edhe në ato mbështetëse të saj që përbëjnë qendrën kulturore islame të Tiranës, një qendër kulturore e standardeve të mëdha duke pasur një nga sallat më të mëdha për zhvillimin e eventeve./Opinion.al
