Shqipëria do të mbajë Konferencën e Dytë Ndërqeveritare me BE-në më 15 Tetor.
Ambasadorët e vendeve anëtare të BE-së, përfshirë edhe Greqinë, kanë marrë vendim të mërkurën (25 Shtator) që Shqipëria të shkëputet nga Maqedonia e Veriut dhe ta ndjekë e vetme rrugën drejt anëtarësimit në union.
Lajmi konfirmohet për Euroactiv nga një zëdhënës i Be-së.
Rruga e dy vendeve të Ballkanit Perëndimor drejt anëtarësimit në BE u shoqërua me fillimin e negociatave të nisura zyrtarisht në verën e vitit 2022. Megjithatë, për shkak të mosmarrëveshjeve midis Shkupit dhe Bullgarisë, hapja aktuale e kapitujve është shtyrë pa fund, duke ndikuar drejtpërdrejt në progresin e Tiranës.
Tashmë Shqipëria pritet ta hedhë hapin e radhës në mes të Tetorit ku në Konferencën Ndërqeveritare do të hapet “Kapitulli 1 – Bazat”.
“Ky është një lajm i mirë për Shqipërinë në përpjekjet e saj për të përmbushur kërkesat për të vijuar në rrugën e saj në BE”, shkruan ndër të tjera Euractiv.
Ky grup përfshin disa pika diskutimi – Prokurimi, Statistikat, Gjyqësori dhe të drejtat themelore, drejtësia, liria dhe siguria dhe kontrolli financiar.
Ky është një lajm i mirë për Shqipërinë në përpjekjet e saj për të përmbushur kërkesat për të avancuar në rrugën e saj në BE, por është një pengesë për Maqedoninë e Veriut, e cila edhe një herë dështon të bëjë një hap vendimtar drejt anëtarësimit në BE./Opinion.al
