Edlira Çepani, bashkëshortja e ish-deputetit të Partisë Demokratike, Gerti Bogdani, ka reguar për ndarjen nga jeta të të shoqit.
Përmes një reagimi në rrjetet sociale, Çepani ka ndarë detaje për ceremoninë mortore.
Çepani shkruan se homazhet dhe ceremonia e lamtumirës në nder të ish-deputetit do bëhen ditën e nesërme dt. 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00.
Ndër të tjera, ajo njofton se ceremonia e varrimit do të bëhet më pas në varrezat e Sharrës.
Reagimi i bashkëshortes së Gerti Bogdanit:
“Me hidhërim të thellë, njoftojmë humbjen e parakohshme të babait, bashkëshortit, djalit, vëllait Gerti Bogdani. Njoftojmë se homazhet dhe ceremonia e lamtumirës, do bëhen ditën e nesërme dt. 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës”, shkruan ajo.
Kujtojmë që ish-deputeti i PD-së u nda papritur nga jeta mesditën e sotme për shkak të një arresti kardiak.
