Mbrojtësi shqiptar, Ardian Ismajli shfaqi një performancë perfekte në ndeshjen e zhvilluar ndaj Ukrainës, në fitoren 1:2, në kuadër të Ligës së Kombeve.
Ismajli shënoi golin e barazimit si dhe shpëtoi një rast të sigurt, duke treguar kështu paraqitje impresive në Pragë.
Në çdo minutë të luajtur, ai i ka dhënë siguri skuadrës në mbrojtje dhe mbështetje e forcë edhe në fazë sulmuese.
Kompania e statistikave në futboll Sofascore e ka vlerësuar Ismajlin për këtë paraqitje duke i dhënë një vend në formacionin më të mirë të ndeshjeve të para të Ligës së Kombeve.
Nota për të 8.3 në një rreshtim ku ka emra të mëdhenj si Kevin De Bruyne apo edhe gjeorgjani Kvaratskhelia. Musiala apo edhe Declan Rice.
Kujtojmë se Ardian Ismajli u la jashtë kombëtares në Kampionatin Europian.
