Temperaturat e larta në të gjithë vendin këtë pasdite i kanë lënë vendin reshjeve të shiut, të cilat janë shoqëruar me erë.
Pjesa më e madhe e territorit të Shqipërisë është përfshirë nga erë e fortë, breshër dhe rrebeshe shiu.
Aktualisht nuk raportohen probleme në vend, ndërsa reshjet vijojnë të bien pa ndërprerje
Pritet që moti të mbetet i paqëndrueshëm në ditët në vijim, me reshje të mundshme dhe ndryshime të tjera të papritura në të gjithë rajonin.
Ndërkohë, autoritetet dhe shërbimet emergjente janë në gatishmëri për të përballuar çdo situatë të mundshme që mund të shkaktohet nga këto kushte të motit ekstrem.
