Plani i paqes midis Izraelit dhe Palestinës mund të dështojë. Burime ekskluzive për Reuters, bëjnë me dije se Izraeli po kërkon ndryshime për planin për armëpushimin në Gaza dhe lirimin e pengjeve nga Hamasi, duke komplikuar marrëveshjen përfundimtare për të ndaluar nëntë muaj luftime që kanë shkatërruar enklavën.
Plani Izraelit thekson se palestinezët e zhvendosur duhet të kontrollohen ndërsa kthehen në veri të enklavës kur të fillojë armëpushimi, duke u tërhequr nga një marrëveshje e cila lejon civilët që ikën nga jugu të kthehen lirshëm në shtëpi, thanë katër burimet për Reuters. Negociatorët izraelitë “dëshirojnë një mekanizëm verifikimi për popullsinë civile që kthehet në veri të Gazës, ku kanë frikë se pjesë të caktuara të popullsisë mund të mbështesin” luftëtarët e Hamasit që mbeten të ngulitur atje, tha zyrtari perëndimor, citon Reuters.
Grupi militant palestinez hodhi poshtë kërkesën e re izraelite, sipas burimeve palestineze dhe egjiptiane. Një tjetër pikë pengese, thanë burimet egjiptiane, citon Reuters, ishte kërkesa e Izraelit për të mbajtur kontrollin e kufirit të Gazës me Egjiptin, të cilën Kajro e hodhi poshtë si jashtë kornizës për një marrëveshje përfundimtare.
Zyra e kryeministrit izraelit Benjamin Netanyahu, Shtëpia e Bardhë dhe ministria e jashtme e Egjiptit nuk iu përgjigjën kërkesave për koment mbi kërkesat e Izraelit.
Izraeli është i shqetësuar jo vetëm për luftëtarët e Hamasit që zhvendosen në veri, por edhe “operativët” mes civilëve që ofrojnë mbështetje të fshehtë për grupin që qeveris Gazën, theksojnë burime për Reuters.
