Kina do të rrisë gradualisht moshën e saj të pensionit në 5 vitet e ardhshme në përpjekje për të përballuar plakjen e popullsisë dhe sistemin e e pensioneve.
Mosha e daljes në pension në Kinë mbetet një nga më të ulëtat në botë, në 60 vjeç për burrat, 55 apo 50 në varësi të profesionit të grave.
Plani për të rritur moshën e daljes në pension është pjesë e një serie rezolutash të miratuara javën e kaluar në një mbledhje të nivelit të lartë të Partisë Komuniste.
“Ne do të çojmë përpara reformën për të rritur gradualisht moshën e pensionit ligjor në një mënyrë të kujdesshme dhe të rregullt,” tha Komiteti Qëndror i Partisë.
Komiteti nuk specifikoi se sa do të rritet mosha e pensionit dhe deri kur, por një Raport i Zhvillimit të Pensioneve të Kinës i publikuar në fund të vitit 2023 thotë se mosha 65 vjeç mund të jetë rezultati përfundimtar.
Akademia Kineze e Shkencave Sociale e drejtuar nga shteti tha se në vitin 2019 se fondi kryesor i pensioneve të vendit do të mbarojë deri në vitin 2035, ndërkohë që ky ishte një vlerësim përpara pandemisë Covid-19, e cila goditi rëndë ekonominë e Kinës.
Në të njëjtën kohë, popullsia e madhe e vendit ka rënë për të dytin vit radhazi në vitin 2023, pasi niveli i lindjeve vazhdon të bjerë.
