Automjeti i policisë në Gjirokastër është përfshirë në aksident me një makinë tjetër.
Uniformat blu njoftojne se si pasojë e aksidentit mbetën të plagosur 3 persona; dy policë që udhëtonin me automjetin policor dhe shoferi i makinës tjetër.
“Rreth orës 15:40, në aksin rrugor “Gjirokastër-Kakavijë”, në vendin e quajtur Kordhocë, janë përfshirë në aksident rrugor automjeti i policisë me drejtues shtetasin D. P., (oficer policie) dhe automjeti me drejtues shtetasin S. B..
Nga aksidenti janë dëmtuar 2 drejtuesit e automjeteve dhe 1 pasagjerë (punonjës policie), të cilët ndodhen në spital, për ndihmë mjekësore, jashtë rrezikut për jetën”, njofton policia.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
