Gazetari Blendi Fevziu, në një postim në rrjetet sociale ka përllogaritur afërsisht, se sa milionë Euro kanë shpenzuar tifozët kuqezi për ndeshjen Shqipëri-Itali, në Euro2024.
Sipas Fevziut, tifozët shqiptarë kanë shpenzuar afro 18 milionë Euro në 1 ditë të vetme në Dortmund, të Gjermanisë, më 15 qershor.
Sipas gazetarit, në Dortmund mendohet se kanë qenë të pranishëm rreth 80 mijë tifozë shqiptarë, ku rreth 51 mijë ishin në stadium dhe pjesa tjetër ishin në sheshet kryesore të qytetit gjerman.
Dukë marrë parasyshë këtë fakt, përllogaritet që shifra e shpenzimeve më 15 qershoor të ketë qenë rreth 28 milionë Euro.
“Shqiptarët mendohet që kanë shpenzuar midis 18 dhe 28 milionë Euro në 1 ditë të vetme në 15 Qershor në Dortmund të Gjermanisë për ndeshjen Itali-Shqipëri. Rreth 51 mijë shqiptarë janë regjistruar në Dortmund për ndeshjen dhe me një shpenzim prej 350 Eurosh që konsiderohet si shpenzimi mesatar ditor i një tifozi në Euro 2024, mendohet që të kenë shpenzuar rreth 18 milionë Euro, kundrejt 7.5 milionë Euro të italianëve, të cilët kanë qenë dukshëm inferiorë në numër në Dortmund.
Por sipas policisë gjermane, numri i tifozëve shqiptarë në stadium dhe në qytet i ka kaluar të 80 mijë vetët që e çon shifrën e shpenzimit, duke i shumëzuar me 350 Euro, mbi 28 milionë Euro. Natyrisht që në këtë shpenzim nuk përfshihet bileta e stadiumit, nuk përfshihet transporti nga Shqipëria, Kosova, Maqedonia, Mali i Zi dhe vendet evropiane drejt Dortmundit. Pra në një ditë të vetme, shqiptarët mund të kenë shpenzuar deri në 28, ndoshta dhe më shumë milionë Euro për ndeshjen Itali-Shqipëri”,-thotë Fevziu.
View this post on Instagram
