Ditën e nesërme, më 11 qershor Partia Socialiste do të thërrasë Asamblenë Kombëtare.
Në fokus mësohet se janë zgjedhjet e përgjithshme në parti.
Në agjendë mësohet se mbledhja do të nisë me fjalën e kryeministrit Edi Rama dhe më pas do të vijojë me raportimet e Sekretarit të Përgjithshëm të PS-së, Blendi Klosi mbi ecurinë e procesit të zgjedhjeve në parti.
“Mbështetur në Statutin e PS, neni 37, pika 5, ju njoftoj se më datën 11.06.2024, ora 17.00, zhvillohet online mbledhja e Asamblesë Kombëtare të Partisë Socialiste me këtë rend dite:
Fjala e Kryetarit të Partisë Socialiste, Edi Rama.
Mbi ecurinë e procesit të zgjedhjeve të përgjithshme në parti, Blendi Klosi.
Miratimi i Projekt Vendimit “Për thirrjen e Kongresit Zgjedhor të Partisë Socialiste”.
Miratimi i Projekt Vendimit “Për propozimin dhe përgjedhjen e kandidaturave për anëtarë të Asamblesë Kombëtare të PS”.
Miratimi i Projekt Vendimit “Për propozimin dhe përzgjedhjen e kandidaturave për anëtarë të Komisionit të Garancive Statutore e Etikës të PS”.
Të ndryshme”, thuhet në agjendë.
