“Çfarë po ndodh me krimin në Shqipëri?”, kjo është tema që u trajtua mbrëmjen e sotme në emisionin “Opinion” në TV Klan.
I ftuar në studio për të folur për këtë temë ishte ministri i Brendshëm, Taulant Balla.
Ndër të tjera Balla foli edhe për rezolutën anti-korrupsion të miratuar ditën e sotme nga Kuvendi.
Fevziu: Rezoluta anti-korrupsion është një tentativë për të trembur apo për të frenuar hetimet e SPAKU-t?
Balla: Rezoluta e vlerëson punën e SPAK. Ky ishull I rëndësishëm dhe hallkë e rëndësishme e bashkëveprimit të të gjitha institucioneve që luftojnë krimin, luftojnë korrupsionin të shtrihet edhe në institucionet e tjera ligjzbatuese.
Ne e themi shpesh faktin që nuk ka të njëjtën cilësi hetimi siç e ka Prokuroria e Posaçme apo prokuroritë e Juridiksionit të Përgjithshëm.
Fevziu:Ju e ka prishur pak gjumin juve si mazhorancë?
Balla: Kur e ke bërë diçka vete. Unë kam qenë në këtë studio në vitin 2016, kur ende nuk po arrinim të bënim votat te kuvendi i Shqipërisë për të votuar ndryshimet kushtetuese të cilat i hapën rrugën reformës në drejtësi. Ju kam sjell këtu shembullin e Rumanisë dhe shumë prej kolegëve tuaj e shikonin me skepticizëm, se kjo nuk mund të bëhej. Ne flasim sot për një revançë të shtetit kundër korrupsionit dhe kundër krimit të organizuar. Kjo është falë kësaj reforme në drejtësi dhe falë prokurorëve të Prokurorisë së Posaçme.
Fevziu: Spaku ka paketuar një pjese të ministra dhe ish-ministrave ne burg
Balla: Unë po ju thoja që falë kësaj reforme do kemi ministra, ish-ministra, ish-president dhe ish-kryeministra ne burg.
E vërteta është që nga ky shembull kemi mësuar edhe i kemi bërë prokurorët me mandate të gjata 9 vjeçare. Ka patur edhe propozime të tjera para dy vitesh, për të ndryshuar formulën e SPAKU-t që kreu i tij të kishte mandat përsëritës. Por kjo nuk mund të ndodhte.
Ajo që mund të themi është që ka shumë kërkesa për tu shqyrtuar nga SPAK, prandaj Kuvendi miratoi sot një komision të posaçëm që t’i marri të gjitha këto kërkesa dhe t’i shqyrtoje. Ka një element tjetër shumë thelbësor, prej vitit 2022 ka funksionuar në Kuvendin e Shqipërisë një grup pune, ku 2 ishin nga Partia Socialiste dhe 2 nga Partia Demokratike, i cili funksiononte për të lehtësuar pak punën e SPAK.
Me 20 prokurorë dhe shumë çështje që nuk kanë ndonjë rëndësie të madhe të kalojnë në një grup pune tjetër.
Sot jemi në një faze të re, në 2026 pas 8 vite do shohim çfarë do bëjmë më mirë.
Mazhoranca nuk ka asnjë interes, por interesi i saj është që SPAK të shtrihet edhe në institunet e tjera.
