Lulzim Basha tha se Komisioni i Posaçëm Antikorrupsion është një manovër elektorale e kryeministrit Edi Rama.
Në një deklaratë për mediat para nisjes së Kuvendit, Basha tha se PD nuk bëhet pjesë e lojërave të Ramës.
Sipas tij, SPAK ka lindur si nevojë për shkak të korrupsionit të kësaj qeverie.
“Siç e paralajmërova është e qartë se nuk është gjë tjetër veçse një manovër elektorale. Një komision që nuk është komision, emrat janë përcaktuar, përpjekje për të larë manovrat e kësaj qeverie. Kjo mazhornacë s’ka interes të ndihmojë dhe forcojë SPAK, por po bën gjithçka për ta rrethuar, dobësuar, intimiduar.
S’ka arsye për SPAK të ekzistojë nëse sëdo kishim korrupsionin e Ramës. SPAK ka lindur si nevojë për shkak të korrupsionit të kësaj qeverie. Ne kemi bërë propozim konkret, votoni amendamentet për SPAK dhe jemi gati për të bashkuar votat për të votuar amendamentet që fuqizojnë SPAK.
S’kanë vullnet për të luftuar korrupsionin. PD s’mund të jetë pjesë e lojërave të fjalës së Ramës”, tha Basha.
