Sekretari i Përgjithshëm i kryeministrisë Engjëll Agaçi është paraqitur në SPAK mëngjesin e kësaj të premteje. Siç shihet dhe në video, Agaçi ka mbërritur i vetëm në ambientet e SPAK, ndërsa në dorë mban dhe një dosje.
Pavarësisht pyetjeve të gazetarëve, ai nuk ka treguar arsyen e shkuarjes së tij në organin e drejtësisë. Ende nuk dihet arsyeja e paraqitjes së tij, megjithatë kjo nuk është hera e parë që Agaçi ngjit shkallët e SPAK. Ai është thirrur më parë lidhur me dosjen e inceneratorëve.
