Ernest Gjoka do të marrë sërish drejtimin e një skuadre shqiptare.
Trajneri 54-vjeçar pritet të hedh nesër firmën te skuadra e Shkupit, që synon titullin kampion.
Rezultatet zhgënjyese në javën e fundit, kanë detyruar klubin të ndryshojë stafin. Bardheblutë e kryeqytetit në Maqedoninë e Veriut, mbajnë vendin e dytë në kampionat.
Të parin e gëzon Struga aktualisht me 3 pikë më shumë. Kanë mbetur dhe 5 javë nga fundi, ndërsa fitorja e titullit është objektivi kryesor.
Gjoka është pa skuadër prej verës së vitit të kaluar. Është Ohod Club skuadra e fundit që ka qëndruar në krye të stolit.
Në Maqedoninë e Veriut ka eksperiencë te Shkëndija. Atje kujtojmë se qëndroi nga tetori i vitit 2019 dhe deri në verën e vitit 2021. Gjatë sezonit të dytë ia doli të fitojë dhe titullin kampion./Newsport
