Një aksident automobilistik ka ndodhur ditën e sotme në aksin rrugor “Shkodër-Shirokë”.
Sipas Policisë, bëhet me dije se një motomjet që drejtohej nga një 38-vjeçar ka dalë nga rruga.
Për pasojë kanë mbetur të dëmtuar 38-vjeçari dhe djali i tij 14-vjeçar, të cilët po marrin ndihmë mjekësore në spitalin e Shkodrës.
“Shkodër-Rreth orës 14:00, në aksin rrugor “Shkodër-Shirokë”, motomjeti që drejtohej nga shtetasi N. K., 38 vjeç, ka dalë nga rruga. Si pasojë janë dëmtuar shtetasi N. K. dhe djali i tij, 14 – vjeçar, që udhëtonte në këtë motomjet, të cilët janë dërguar për mjekim në spitalin rajonal të Shkodrës”,-njoftoi policia.
Grupi hetimor po punon për sqarimin e plotë të rrethanave dhe shkakut të aksidentit.
