Me zbulimin nga vetë Kate Middleton se ajo vuan nga kanceri, Mbreti Charles III thotë se është “krenar për guximin e saj për të folur“.
Sipas BBC, Pallati raporton se Mbreti Charles III është “krenar për Kate dhe guximin e saj për të folur”, ndërsa theksojnë se ai mbetet “në komunikim të ngushtë me nusen e tij të dashur”.
Në një deklaratë të shkurtër, Buckingham Palace tha se Mbreti Charles III dhe Mbretëresha Camilla “do të vazhdojnë të ofrojnë dashurinë dhe mbështetjen e tyre për të gjithë familjen në këtë kohë të vështirë“.
Kujtojmë që nëpërmjet një videoje, Middleton shpjegoi se ka kaluar dy muaj të vështirë dhe se nuk e dinte që ishte prekur nga kanceri kur iu nënshtrua operacionit në janar. Pallati mbretëror britanik nuk zbuloi më shumë detaje për llojin e kancerit, por tha se kishte besim që princesha do të shërohej plotësisht.
