Një 24-vjeçar, i shpallur në kërkim për vrasje është vetëdorëzuar në policinë e Shkodrës.
Klodian Mhilli dyshohet se ka qenë i përfshirë në vrasjen e Valter Fjerzës, krim i ndodhur në shtator të vitit të shkuar.
“Prokuroria pranë Gjykatës së Shkallës së Parë të Juridiksionit të Përgjithshëm Shkodër ka dërguar urdhrin per ekzekutimin e vendimit të vitit 2023 të Gjykatës së Shkodrës, e cila i ka caktuar 24-vjeçarit, masën e sigurisë “Arrest në burg”, për veprat penale “Vrasja me dashje”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”, kryer në bashkëpunim”, thotë policia.
