Sekretari i Përgjithshëm i Ligës Islame, Dr. Muhamed Abdulkerim El Isa ndodhet në Shqipëri për një vizitë disa ditore.
Lajmin e ka bërë të ditur drejtuesi i Qendrës së Bashkëpunimit Ndërfetar në Elbasan, Arben Ramkaj.
Përmes të një statusi në rrjetet sociale, Ramkaj e cilëson Dr. Muhamed Abdulkerim El Isa si një mendje dhe një figurë të ndritur të botës Islame. Ai thekson më tej se është një lajm i mirë për myslimanët shqiptarë që ai ka përzgjedhur Shqipërinë për një vizitë disa ditore.
“Sekretari i Përgjithshëm i Ligës Islame Dr Muhamed Abdulkerim El Isa është një mendje dhe një figurë e ndritur e botës Islame. Ai është një personalitet i njohur botëror dhe është një lajm i mirë për myslimanët shqiptarë që ai ka përzgjedhur Shqipërinë për një vizitë disa ditore”, shkruan ai.
