Këtë të martë Shqipëria dhe Italia do të firmosin dokumentin përfundimtar të marrëveshjes për njohjen reciproke të sigurimeve shoqërore.
Përmes një statusi në rrjetin social “Facebook”, kryeministri Rama bën të ditur se nga kjo marrëveshje përfitojnë 500 mijë shtetas shqiptarë në Itali dhe mijëra shtetas italianë në Shqipëri.
“MIRËMËNGJES dhe me lajmin e mirë që sot firmoset dokumenti përfundimtar i marrëveshjes së shumëpritur për njohjen reciproke të Sigurimeve Shoqërore në Romë, ku mbi 500 mijë shtetas shqiptarë në Itali dhe mijëra shtetas italianë në Shqipëri janë përfitues të drejtpërdrejtë nga kjo marrëveshje, ju uroj një ditë të mbarë”-shkruan Rama.
