Një ditëlindje e madhe me familjen e madhe. E tillë ka qenë festa që mjeku Skerdi Faria ka marrë si surprizë nga stafi i tij, me rastin e 53-vjetorit. Muzikë live, surpriza dhe këngë e vallëzim deri në orët e vona të mbrëmjes, në një festë ku nuk kanë munguar as pacientët e pranishëm në KEIT.
Pikërisht në këtë ditëlindje, mjeku i njohur sjell një rrëfim të rrugës së tij, nga fëmijëria, deri në krijimin dhe drejtimin e KEIT si struktura më e madhe e kirurgjisë estetike në Shqipëri.
-Në këtë ditë të lindjes suaj, le të kthehmi tek fëmijëria, si e kujtoni ju atë?
Jam lindur në një qytet të vogël të Shqipërisë, në Ballsh, në 21 Shtator të vitit 1971. Në këtë qytet kreva shkollën fillore e më pas atë të mesme. Mund të them se kam patur një fëmijëri të bukur, ashtu siç ishte në atë periudhë për të gjithë bashkëshmoshatarët e mi. Kishim një kohë për të studiuar dhe një kohë për të luajtur. Kujtoj se prindërit e mi, të dy mësues kanë qenë tepër të dhënë për të më bërë që të krijoja një raport të mirë me shkollën, e që në fakt ja dolën.
Për faktin, që u bëtë mjek?
Jo vetëm për këtë arsye, por mbi të gjitha për faktin që më dhanë dashuri për dijen dhe natyrisht kjo dashuri ishte një nxitje për mua. Kujtoj se në shkollën e mesme “Dervish Hekali” në Ballsh, ne ishim një brez ku të gjithë përpiqeshim për dijen dhe kishte një garë të fortë mes nxënësve. E donim shkollën, librin, leximin, mësuesit. Aty kam përfunduar gjimnazin me të gjitha dhjeta dhe me medalje të artë.
Më pas fakulteti i mjekësisë, por si erdhi KEIT?
KEIT do të vinte shumë vite më pas. Kisha kryer ndërkohë universitetin dhe specializimet në Itali. Ishte një vendim për t’u kthyer ai që solli edhe lindjen e KEIT. Një mungesë në tregun shqiptar të kirurgjisë estetike dhe një përvojë e imja e krijuar jashtë vendit, u bënë bashkë në vendimin për të krijuar KEIT, në Janar të vitit 2011.
Në moshën 40 -vjeçare nuk isha i ri, shpika KEIT. Në 15 Janar të 2011 filluam vizitat e para për kirurgjinë estetike.
Nuk e kam bërë vetë, e kam bërë bashkë me ata 170 djem e vajza që punojnë me mua. Nuk ma merrte mendja që do të rritej kaq shumë. Tani jam super i bindur që do të rritet shumë më tepër./Opinion
View this post on Instagram
