Prindërit e Brian Spahiut, 3-vjeçarit që ndërroi jetë pas një ndërhyrjeje dentare, kanë kërkuar përjashtimin e prokurores Alma Felaj, e cila po heton veprimet e mjekut Roland Xhaxho.
Mësohet se ata kanë patur një takim me drejtuesin e Prokurorisë së Tiranës, ku i kanë paraqitur edhe dokumente mes të cilave pretendojnë se prokurorja nuk ka kryer veprime të plota hetimore.
Prindërit kanë paraqitur në Prokurori rezultatet e një inspektimi të bërë nga Inspektorati Shtetëror Shëndetësor menjëherë pas ngjarjes, i cili ka rezultuar se subjekti në fjalë nuk ishte i pajisur me licencë për ushtrimin e aktivitetit në shërbime mjekësore dhe stomatologjike në kohën kur ka kryer ndërhyrjen.
Ky është dokumenti ku bazohet babai i të ndjerit, në të cilin shkruhet se ndaj klinikës është vendosur masë administrative për shkelje të ligjit përkatës.
