Autorët që tentuan të eliminojnë Zamir Kalemin mbrëmjen e së premtes e kanë ndjekur objektivin për disa orë me radhë, kjo e provuar nga vëzhgimi i kamerave të sigurisë që hetuesit kanë kryer në zonë.
Megjithatë, në vendin e ngjarjes nuk ka kamera sigurie, çka e vështirëson jo pak punën e policisë për detaje të plota mbi atentatin e dështuar.
Sipas Klan News mësohet se ekspertët e kriminalistikës gjetën 13 gëzhoja automatiku në vendin e ngjarjes. Arma u gjet e shkrumbuar në makinë.
Ndërkohë, agresorët të cilët dogjën mjetin “Nissan” në Bërzhitë, kanë përdorur targa të vjedhura për kryerjen e atentatit, të denoncuara të humbura më herët në Tiranë.
Në drejtim të makinës “Smart” me të cilën po lëvizte Kalemi është qëlluar nga distancë e shkurtër, ndërsa makina më pas është përplasur me trafikndarësen.
Zamir Kalemi ka marrë një plagë arme në këmbë. 35-vjeçari është dërguar në spital dhe ndodhet jashtë rrezikut për jetën.
Mësohet se Zamir Kalemi është vëllai i Andrea Kalemit dhe daja i Aleksandër Sadikajt.
Andrea Kalimi i shpëtoi një atentati me armë në Greqi në Gusht 2023 duke mbetur i plagosur rëndë. Ndërsa Aleksandër Sadikaj 27 vjeç mbeti i vrarë në zonën e Unazës së Madhe të Tiranës më 11 Qershor 2022 në një atentat me eksploziv që i ishte vendosur poshtë makinës Volksëagen me të cilën udhëtonte./Klan News
