Qeveria e re e kryeministrit francez Gabriel Attal u njoftua të enjten me vetëm një ndryshim të madh në Ministrinë e Jashtme, ndërsa shumica e anëtarëve të profilit të lartë të kabinetit mbetën të pandryshuar.
Stéphane Séjourné, 38 vjeç, është emëruar si ministër i Punëve të Jashtme të Francës, duke pasuar Catherine Colonna.
Séjourné është kreu i partisë së Rilindjes së Macron dhe udhëheqësi i grupit Reneë Europe të ligjvënësve liberalë pro-evropianë në Parlamentin Evropian.
Ai është gjithashtu ish-partneri i Attal. Attal, kryeministri i parë homoseksual i Francës, e bëri publike lidhjen e tyre kur iu bashkua qeverisë së Macron në vitin 2018.
Të dy nuk e konfirmuan kurrë publikisht ndarjen e tyre, por në deklaratën e tij të tetorit drejtuar Autoritetit të Lartë për Transparencën në Jetën Publike, Attal deklaroi se nuk kishte partner.
